« Home | law krart t3esh » | Tomorrow in Hands at 11 » | AN EXTRA SPECIAL birthday » | aloooooooooz » | Hands » | تعود الناس أن يحمدوا الله العظيم على كل شيء طمعًا ... » | New World Record » | QUIZ » | Trip feed back » | مليــــحة قوى القلل القنـــ... » 

Monday, July 17, 2006 

مرة واحد غلط اتحبس.... واللى جوة الحيط انكبس وطء مات

بلاش كلام فى السياسة
خلى عندك حبة حساسة
وبلاش تقول ع اللى اسموا اية
تعالى غير معايا
ونبتدى مرة الحكاية
ونقول يا بيه
يحيا الزعيـــم
نظراً لأن النعمة فاقت حدها
و لأننا مش قدها
و لأن فعلاً إنجزاتك فوق طاقتنا نعدها
ولأننا غرقنا في جمايل مستحيل هنردها
نستحلفك نسترحمك نستعطفك نستكرمك
ترحمنا من طلعة جنابك حبتين
عايزين نجرب خلقة تانية و لو يومين
إسمع بقي احنا زهقنا من النعيم و نفسنا في يومين شقي
عايزين نجرب الاضطهاد
و نعوم ونغرق في الفساد
بيني و بينك حضرتك دا شعب فقري مايستحقش جنتك
أنا عارفه شعب ما ينفعوش إلا شارون و بلير وبوش
عايز يجرب الامتهان و يعيش عميل الأمريكان
يمد غازه لإسرائيل ويومين كمان و يمد نيل
أهو يعني نشرب ميه واحدة ندوب في بعض
ماء و ماء وماء
و نفض سيرة الانتماء
و بلاها نعرة وطنطنة تبقي البلاد مستوطنة متسلـــطنة بالسرطنـة
إيه اللي خدناه من الكرامة و الاباء
حبة خطب وكلام كلام
احنا رهنا ع النظام و رضينا بخيار السلام
بخيــــــــــــار حنسد عين الشمس بيه علشان مايطلعش النهار
يطلع لمين حبة معارضة مغرضين ؟!!!!
و حسب بيان السلطة شلة مأجورين يا عم فضك سيرة وارضي بقسمتك
دا شعب مش فاهم أكيد يلا اطرده من رحمتك
وإن كنت غاوي الحكم خليك مطرحك هاغطس و أقب و أعود بشعب يريحك
راضي و عمره ما يجرحك.
أخرس و مابيسمعش وأعميلك كمان عنيه
مش كل قرش يبص فيه ما يقولش لأ ، وفين ، وليه
يضرب ينفض في السليم و علي الصراط المستقيم
كل اللي يعرف ينطقه
عاش الزعيــم يحيا الزعيــم

(مش كفاية انه سايبنا نعيش)
على رأى واحد قالها .. و من ساعتا مش طايقاه

Super color scheme, I like it! Keep up the good work. Thanks for sharing this wonderful site with us.
»

who is that anonymous guy. & wat his comment about. i feel like he is a spy.

Post a Comment

Summer Workshop 2006 is powered by Blogspot and Gecko & Fly.

© Pictures, written material and any other original works published here are
copyrighted and cannot be used without permission from the author